Retro Vintage Style Clothing: ഫാഷൻ ലോകത്തെ ട്രെൻഡിംഗ് പട്ടികയിൽ ഇടം പിടിച്ച് റെട്രോ-വിൻ്റേജ് ഫാഷനുകളും 

ആധുനിക ഫാഷൻ ലോകം അനുദിനം വ്യത്യസ്ത മാറ്റങ്ങൾക്കാണ് സാക്ഷ്യം വഹിക്കുന്നത്. പഴയ കാലഘട്ടത്തിലെ ട്രെൻഡുകളെ മുൻ നിർത്തി ആധുനിക കാലത്തെ ഫാഷൻ ട്രെൻഡുകളിൽ റെട്രോ -വിൻ്റേജ് കളക്ഷനുകളാണ് ഇപ്പോൾ ശ്രദ്ധ നേടുന്നത്. മോഡേൺ സ്റ്റൈലുകളുടെ പട്ടികയിൽ ഒന്നാം സ്ഥാനത്ത് നിൽക്കുകയാണ് ഈ പഴയ കാല ട്രെൻഡുകൾ. 

റെട്രോ, വിൻ്റേജ് ഫാഷൻ ആളുകൾക്കിടയിൽ ഇന്നും ഒരു നൊസ്റ്റാൾജിക്ക് ഫീൽ നിലനിർത്തുന്നു എന്നതാണ് പ്രത്യേകത.

1920 കളിലെ ഡ്രോപ്പ് – വെയിസ്റ്റ്, പ്രോം ഡ്രെസ്സുകളായ ഫ്ലാപ്പർ ഡ്രസ്സ്‌, ബീഡ്സ് വർക്ക് നിറഞ്ഞ ഗൗണുകൾ 1950 കളിലെ അമേരിക്കൻ വിൻറ്റേജ് സ്റ്റൈലുകളായ ഫുൾ സ്കേർട്ട് , സിഞ്ചേഡ് ഡ്രസ്സ്‌, പോൾക ഡോട്സ് എന്നിവയും ഈ രംഗത്ത് സജീവമായി നിറഞ്ഞു നിൽക്കുന്നുണ്ട്. 1970 കളിലെ ഫ്ലേ‍ർഡ് ജീൻസ്, ബൂട്ട് കട്ട്‌ ജീൻസ്, പേസന്റ് ബ്ലൗസ്സ് , 1980 കളിലെ ഗ്രാഫിക് – നിയോൺ പ്രിൻ്റഡ് സ്യൂട്ട് എന്നിവയെല്ലാം ഇന്നും ഫാഷൻ, മോഡലിംഗ് പ്രേമികൾക്ക് ആവേശമാണ്. മാത്രമല്ല പല പ്രമുഖ ഫാഷൻ ഷോകളിൽ പോലും ഇത്തരം സ്റ്റൈലുകളിലെ വസ്ത്രങ്ങൾ ഇടം പിടിക്കുന്നുണ്ടെന്നതും ശ്രദ്ധേയമാണ്.

സ്ട്രീറ്റ് സ്റ്റൈൽ, സെലിബ്രിറ്റി ഫാഷൻ എന്നിവയിലും റെട്രോ ഫാഷൻ്റെ സ്വാധീനം കാണാനാകും.

പല സ്ട്രീറ്റ് ഷോപ്പിസുകളിലും ഓൺലൈൻ ഷോപ്പിസുകളിലും വിൻടേജ്, റെട്രോ സ്റ്റൈലുകളിലെ ഔട്ട്ഫിറ്റുകളാണ് കൂടുതലും  കാണാൻ സാധിക്കുന്നത്. ഈ സ്റ്റൈലിന് ലഭിക്കുന്ന ജനപ്രീതിയുടെയും സ്വാധീനത്തിൻ്റെയും ഉത്തമ ഉദാഹരണമാണിത്. 

പണ്ടുകാലത്ത് നിലനിന്നിരുന്ന ക്ലാസിക് സ്റ്റൈലുകളുടെ ഉയിർത്തെഴുന്നേൽപ്പെന്ന് ഇന്നത്തെ വിൻടേജ് സ്റ്റെയിൽ ട്രെൻഡിനെ വിശേഷിപ്പിക്കാം.

മാത്രമല്ല സോഷ്യൽ മീഡിയ പ്ലാറ്റ്ഫോമുകളായ പിൻ്റ്റസ്റ്റ്,  ഇൻസ്റ്റാഗ്രാം എന്നിവയെല്ലാം റിട്രോ ഫാഷൻ സ്റ്റൈലുകളെ കുറിച്ച് കൂടുതൽ ആളുകളിലേക്ക് എത്തിക്കുന്നതിൽ നിർണ്ണായകമായ പങ്കു വഹിക്കുന്നുണ്ട്.

മാറുന്ന ഫാഷൻ  ട്രെൻഡുകൾക്കൊപ്പം സഞ്ചരിക്കാൻ പഴയകാല ക്ലാസിക്കുകൾക്കും കഴിയുന്നുണ്ട് എന്നതാണ് നിലവിലെ വിപണിയിലെ കാഴ്ചകൾ സൂചിപ്പിക്കുന്നത്. അനശ്വരമായ ഫാഷൻ വിപ്ലവത്തിൻ്റെ ഒരു സവിശേഷത കൂടിയാണ് ഈ മാറി മറിയുന്ന ട്രെൻഡുകൾ.