കാലൊന്ന് ഇടറിയാൽ മരണം ഉറപ്പ്! തിരച്ചിൽ ഇല്ലാത്ത കേരളത്തിലെ ഒരേയൊരു വെള്ളച്ചാട്ടം

Urakkuzhi Waterfalls: വെള്ളച്ചാട്ടവും മലമുകളുമെല്ലാം സഞ്ചാരികൾക്ക് എന്നും ഒരു വീക്ക്നെസ് ആണ്. ഹിഡൻ സ്പോട്ടുകൾ കണ്ടുപിടിച്ച് അവിടേക്ക് യാത്ര പോകുന്നവരും ഏറെയാണ്. അത്തരത്തിൽ അധികമാരും ശ്രദ്ധിക്കപ്പെടാതെ കിടക്കുന്ന  മനോഹരമായ, എന്നാൽ അൽപം സാഹസികവുമായ ഒരു യാത്ര പോയാലോ. മറ്റെവിടേക്കുമല്ല, അങ്ങ് കോയിക്കോടേക്ക്. അവിടെ കാട്ടിനുള്ളിൽ  കേരളത്തിൽ തിരച്ചിൽ ഇല്ലാത്ത ഒരു വെള്ളച്ചാട്ടമുണ്ട്.

ഉരക്കുഴി വെള്ളച്ചാട്ടം എന്നാണ് ഇത് അറിയപ്പെടുന്നത്. കോഴിക്കോട് ജില്ലയിലെ കക്കയം അണക്കെട്ടിന് സമീപത്തായി സ്ഥിതി ചെയ്യുന്ന മനോഹരമായ വെള്ളച്ചാട്ടമാണ് ഉരക്കുഴി വെള്ളച്ചാട്ടം. ഈ വെള്ളച്ചാട്ടം വളരെ മറഞ്ഞിരിക്കുന്നതിനാൽ അധികം സഞ്ചാരികൾ സന്ദർശിക്കാറില്ല. എന്നാൽ വെള്ളച്ചാട്ടത്തിന്റെ ഭംഗി നിങ്ങളെ അമ്പരപ്പിക്കും. വെള്ളച്ചാട്ടത്തിന്റെ മുഴുവൻ പ്രദേശവും കൊടും വനങ്ങളാലും കൂറ്റൻ പാറകളാലും ചുറ്റപ്പെട്ടിരിക്കുന്നു. 

ഒരു പാലവും വെള്ളച്ചാട്ടത്തിന് വളരെ അടുത്തായി ഉണ്ട്. ഭൂരിഭാഗം ആളുകളും ഡെക്കിൽ നിന്നുകൊണ്ടാണ് വെള്ളച്ചാട്ടം കാണുന്നത്. വെള്ളച്ചാട്ടത്തിന് ചുറ്റും കൂറ്റൻ പാറകൾ ഉള്ളതിനാൽ നിങ്ങൾക്ക് അടുത്തെത്താൻ കഴിയില്ല. ഒരു വിനോദ സഞ്ചാരി അപകടത്തിൽപ്പെട്ട് വെള്ളത്തിൽ വീണാൽ, പോയ ആൾ പോയി, കൂടെ വന്നയാൾക്ക് തിരികെ പോകാം. നൂറ്റാണ്ടുകളാൽ വെള്ളം വീണ് ഇവിടെയുള്ള പാറക്കല്ലുകളിൽ ഉരലു പോലെ കുഴികളാണ്. അതിനാലാണ് ഈ വെള്ളച്ചാട്ടത്തിന് ഉരൽക്കുഴി എന്ന പേര് ലഭിച്ചത്. ഈ കുഴിയ്ക്കുള്ളിൽപ്പെട്ടാൽ ഒരിക്കലും രക്ഷപെടുത്താനാകില്ല.